Ulybrıtanııalyq mıllıarderge tıesili kosmoplan ǵaryshqa alǵashqy saparyn jasady

ALЬBÝKERKE. QazAqparat – Mıllıarder Rıchard Brensonǵa tıesili Virgin Galactic kompanııasynyń VSS Unity kosmoplany alǵashqy kommertsııalyq ushyrylymyn sátti aıaqtady, dep habarlaıdy QazAqparat VVS-ge silteme jasap.

Raketoplany bar Eve ushaq-tasymaldaǵyshy beısenbi kúni jergilikti ýaqytpen saǵat 08:30-da AQSh-tyń Nıý-Meksıko shtatyndaǵy ǵarysh aılaǵynan ushyryldy. Shamamen bir saǵattan keıin 13600 metr bıiktikke jetkende raketoplan ushaqtan bólindi, derbes qozǵaltqyshyn qosyp, ǵarysh shekarasyna shyqty. Alǵan maksımaldy bıiktigi – 85 km.

Ushý ýaqyty bir jarym saǵatqa sozyldy. Bortta Virgin Galactic kompanııasynyń eki ushqyshy men astronavt nusqaýshysynan basqa, úsh ıtalııalyq ushqysh ofıtser boldy. Olar birqatar ǵylymı eksperımentter júrgizip, keme ushýdyń eń joǵary núktesine jetkende Italııa áýe kúshteriniń 100 jyldyq mereıtoıyna oraı memlekettik týlaryn shyǵardy.

Bul mıssııa Galactic 01 dep ataldy. Ekinshi reıs – Galactic 02 tamyzǵa josparlanǵan. Oǵan ushý bıletin aldyn ala satyp alǵan birneshe jolaýshy barady.