Ulybrıtanııaǵa buryn-sońdy bolmaǵan aıaz keldi
ASTANA. 2 jeltoqsan. QazAqparat - Ulybrıtanııa jyldyń osy mezgili úshin óte qatty sýyq pen qalyń qarly aýa raıynyń yqpalynda tur. Qazir negizgi sýyq Ulybrıtanııanyń shyǵys aýdandarynda beleń alýda.
Sınoptıkterdiń boljaýynsha, aldaǵy kúnderi aýa raıynyń temperatýrasy 26 gradýsqa deıin tómendeýi múmkin, dep habarlaıdy ITAR-TASS agenttigi.
Bı-Bı-Sı agenttiginiń baǵalaýynsha, eldegi temirjol tasymalyndaǵy jaǵdaı tipten qıyn. Birqatar jerlerde jolaýshylar búgingi túndi qar basyp qalǵan poıyzdarda ótkizgen. Brıtandyq temirjoldarda qar tazalaıtyn tehnıka joq, sebebi bul jerlerde qar óte sırek jaýatyn jáne tez erip ketetin.
Eldegi áýejaılar da qarmen kúresýde. Kólemi jóninen Ulybrıtanııadaǵy ekinshi áýejaı - Londondaǵy Getvık áýejaıy úshinshi táýlik boıy jumysyn toqtatqan.
