Ulybrıtanııadan Úndistanǵa kelgen 22 jolaýshydan koronavırýs anyqtaldy
NЬıÝ-DELI.QazAqparat – Sársenbige deıin Ulybrıtanııadan Úndistanǵa kelgen 22 jolaýshynyń koronavırýsqa tapsyrǵan testi oń nátıje kórsetti, dep habarlaıdy QazAqparat NDTV telearnasyna silteme jasap.
Telearnanyń málimetinshe, koronavırýstyń mýtatsııalanǵan nusqasynyń tasymaldaýshysy ekenin anyqtaý úshin jolaýshylar Pýndaǵy Vırýsologııa ulttyq ınstıtýtyna jiberilgen.
Úndistan ótken sársenbide tún ortasynan bastap Ulybrıtanııaǵa jáne odan keri baǵyttaǵy barlyq reısti atalǵan elde koronavırýstyń jańa, mýtatsııalanǵan shtammynyń paıda bolýyna baılanysty toqtatty. Dúısenbiden bastap Ulybrıtanııadan kelgen barlyq jolaýshy áýejaılarda mindetti testileýden ótti jáne nátıjeler kelgenshe kútti.
Jergilikti bıliktiń málimetine sáıkes Londonnan ushyp kelgen Nıý-Delıde -11, Amrıtsarda - 8, Kalkýttada-2, Chennaıda 1 adamnyń koronavırýsqa testi oń nátıje bergen.
Foto:Prabhat Kumar Verma/Global Look Press