Ulybrıtanııadaǵy sý tasqynynan zardap shekkenderdiń arasynda Qazaqstan azamattary joq

Bul týraly «QazAqparat» tilshisine QR Syrtqy ister mınıstrliginiń baspasóz hatshysy Nurjan Aıtmahanov málim etti.

«Ulybrıtanııada 1500-ǵa jýyq qazaqstandyq azamattar bar. Sý tasqynyna baılanysty jaraqat alǵan nemese qaza tapqandar boıynsha aqparatty sol eldiń bılik organdary taratady. Ondaı aqparat bizge túsken joq. Al osy sý tasqynyna baılanysty elshilikten qandaı da bir kómek surap, Qazaqstan azamattary habarlasqan joq», - dedi N.Aıtmahanov.

Onyń aıtýynsha, osynyń aldynda QR SІM qazaqstandyq azamattarǵa barynsha saq bolý jáne Ulybrıtanııada sý tasqyny bolý qaýpi joǵary jerlerge barmaý jóninde eskertý jasaǵan bolatyn.

Aıta keteıik, Ulybrıtanııadaǵy sý tasqyny birneshe adamnyń ómirin qıyp ketti. Sonymen qatar 8 myńnan asa turǵyn úı sý astynda qalyp, elge mıllıondaǵan eýro shyǵyn keltirdi.