Ulybrıtanııadaǵy sý tasqyny eldiń úreıin ushyrdy
ASTANA. 21 jeltoqsan. QazAqparat - Ulybrıtanııanyń ońtústiginde birneshe kún jaýǵan tolassyz nóser sońy tasqynǵa ulasty.
Elde tótenshe jaǵdaı jarııalandy. Qutqarýshylar turǵyndardy qaýipsiz jerge kóshirdi, dep habarlaıdy 24.kz.
Úıler men ǵımarattar topan sý astynda qaldy. Sońǵy táýlikte eldiń birneshe aýdanynda sý deńgeıi 4 sm-ge kóterildi. Úreılengen jergilikti turǵyndar kez kelgen ýaqytta óz úılerin tastap ketýge daıyn otyr. Aıta keteıik, tabıǵat apaty Amerıkanyń birneshe shtattary men ońtústik Eýropada da tirkeldi. Qalyń qar amerıkalyqtardy ábden ábigerge saldy.
