Ulybrıtanııadaǵy qatań rejimdegi túrmede búlik shyqty
ASTANA. QazAqparat - Anglııanyń Výstershır graftyǵyndaǵy qatal rejimdegi «Long Lartın» túrmesinde búlik shyqty. Bul jaıly Ulybrıtanııa ádilet mınıstrligi málimdedi.
«Qazir «Long Martın» túrmesindegi oqys oqıǵany rettep jatyrmyz. Tártip buzýshylar mundaı tirligi úshin jazalanyp, qamaý merzimderi uzartylady, bul anyq», - delingen mınıstrliktiń habarlamasynda.
Brıtanııanyń «Bı-Bı-Sı» teleradıokorporatsııasynyń málimetterine qaraǵanda, búlikke 80-ge jýyq tutqyn qatysqan. Olar túrme qyzmetkerlerine shabýyl jasap, bılıard sharlarymen atqylaǵan. Bul kúzetshilerdi túrmeniń E qanatyn tastap shyǵýǵa májbúr etti. Túrmedegi búlikti basý úshin polıtsııanyń arnaýly bólimsheleri jiberilgen.
