Ulybrıtanııadaǵy ınflıatsııa 9,4%-ǵa jetti

LONDON. QazAqparat – Ulttyq statıstıka basqarmasy Ulybrıtanııadaǵy ınflıatsııa maýsym aıynda 9,4%-dy qurap, 40 jyldaǵy eń joǵary deńgeıge jetkenin málim etti, dep habarlaıdy QazAqparat Breitbart News-ke silteme jasap.

Inflıatsııaǵa benzın men dızel otyny baǵasynyń qarqyndy ósýi úlken yqpalyn tıgizdi, Sońǵy jyly otyn baǵasy 42,3% -ǵa ósti. Statıstıkalyq basqarmanyń málimetinshe, maýsym aıynda benzın lıtrine 184 pens, al mamyr aıynda 172,7 pens bolǵan.

Jumyrtqa, sút ónimderi, kókónister men et qunynyń ósýine baılanysty azyq-túlik baǵasy bir jylda 9,8% -ǵa artqan.

Jańa kórsetkish 1982 jyldan bastap ınflıatsııa 11% shyńyna jetken kezdegi eń joǵary kórsetkish bolyp tabylady.

Jańa kórsetkish – ınflıatsııa deńgeıi 11%-ǵa jetken 1982 jyldan bergi eń joǵary kórsetkish.

Anglııa bankiniń basshysy Endrıý Beılı seısenbide bank ınflıatsııany baqylaýǵa kómektesý úshin kelesi otyrysta paıyzdyq mólsherlemelerdi jarty paıyzǵa kóterýdi qarastyratynyn málimdedi. Bank mólsherlemelerdi 2021 jylǵy jeltoqsannan bastap bes ret kótergen.

Buǵan deıin habarlanǵandaı, Ulybrıtanııada benzın baǵasy da sharyqtap ketti .

Rústem Qojybaev

Foto: breitbart.com