Ulybrıtanııadaǵy aıqas: «Astana arlandary» fınalǵa jaqyndady
ASTANA. QazAqparat - Búkilálemdik boks serııasynyń jartylaı fınalyndaǵy «Astana Arlans» pen «British Lionhearts» komandalary arasyndaǵy alǵashqy kezdesýde otandastarymyz jeńiske jetti, dep habarlaıdy QazAqparat tilshisi.
Jartylaı fınaldyq kezeńniń alǵashqy aıqasyn syrt alańda, ıaǵnı Ulybrıtanııanyń Sheffıld qalasynda ótkizgen jerlesterimiz jergilikti boksshylardy 3:2 esebimen utyp, fınalǵa bir taban jaqyndaı tústi.
Qazaqstandyq komanda qatarynda Іlııas Súleımenov, Dilmurat Májitov jáne Ábilhan Amanqul qarsylasynan basym tústi. Al Arbek Abdýǵanıev pen Temirtas Júsipov jeńilis tapty.
Aıta keteıik, jekpe-jek keshin «Habar» arnasy tikeleı efırde kórsetti.
Endi, ekinshi qarymta aıqas 26 mamyrda Atyraýdaǵy «Jaıyq» sport kesheninde ótedi.
Esterińizge sala keteıik, «Astana Arlandary» osyǵan deıin Búkilálemdik boks serııasynda úsh ret jeńiske jetken bolatyn. Mundaı jetistikke áli eshbir komanda qol jetkizgen emes.
Qazaqstandyqtar alǵashqy chempıondyq ataqqa 2013 jyly qol jetkizdi, ekinshi ret araǵa bir jyl salyp, 2015 jyly taǵy da bas júldeni qanjyǵasyna baılady. Al úshinshi ret jeńisti 2017 jyly toılady. Sondaı-aq, 2011 jyly - ekinshi oryn, 2012, 2014 jáne 2016 jyldary úzdik úshinshi oryn ıelendi. Mine, bıyl taǵy da jartylaı fınalǵa shyǵyp otyr.
