Ulybrıtanııada júzdegen bosqyn balalar iz-túzsiz joǵalyp ketti
ASTANA. QazAqparat - Ulybrıtanııaǵa bosqyn retinde kelgen júzge jýyq bala iz-túzsiz joǵalyp ketti, dep habarlaıdy brıtandyqIndependent basylymy jergilikti ishki ister mınıstrligine silteme jasap.
Basylymnyń aqparaty boıynsha, sońǵy 5 jylda elge úlkenderdiń qaraýynsyz 10 myńǵa jýyq kámelet jasqa tolmaǵan balalar kelgen. Olar otandarynda bolyp jatqan soǵystan, ashtyqtan qashyp, bosqyn bolǵan. Jańa oryndarda olardy balalar úıi men asyrap alǵysy kelgen otbasylarǵa jiberedi. Al áleýmettik qyzmetkerler olardyń jaı-aúıin baqylap otyrady.
Basylym balalardyń joǵalyp ketýi adam saýdasymen qatysy bar bolýy múmkin dep jazady. Evropol agenttiginiń málimetteri boıynsha, Evropa aýmaǵynda 10 myńǵa jýyq bala iz-túzsiz joǵalyp ketkender qatarynda.
