Ulybrıtanııada joıqyn sý tasqynynan 6 adam kóz jumdy
KARDIFF. QazAqparat – Ýelste tolassyz jaýǵan jańbyr saldarynan joıqyn sý tasqyny bolyp, alty adam qaza tapqan, dep habarlaıdy QazAqparat The Guardian basylymyna silteme jasap.
Sońǵy, altynshy adam - Bırmıngem turǵyny jeksenbi kúni qaza tapty.
El tarıhyndaǵy iri sý tasqynynan zardap shekken Ýels 48 saǵattyń ishinde budan da qatty jaýatyn jaýynǵa daıyndalyp jatyr.
Sársenbi kúni keshke qaraı Ýelstiń soltústik jáne ońtústik aýdandarynda nóser jaýyn jaýýy múmkin. Bul «Dennıs» daýylynyń saldarynan qıraǵan aýmaqty tazalaý operatsııasyna kedergi keltirmek.
Keı derekter boıynsha, Ýelste 600 adam úıin tastap ketýge májbúr bolǵan, sondaı-aq bir myńnan astam úı daýyl men sý tasqynynan qatty zaqymdanǵan.
Búgin tańerteń brıtan meteorologtary Anglııa men Ýelstegi sý tasqyny týraly eskertti.
Výstershır jáne Glostershır graftaryndaǵy birneshe qalanyń turǵyndaryna dúısenbi kúni keshkisin evakýatsııa jóninde keńes berildi. Sebebi, Severn ózeni arnasynan tasýy múmkin.
Osy aptanyń ishinde Anglııanyń soltústiginde de jańbyr jaýyp, ózender tasýy múmkin dep kútilýde. Bul týraly Ulybrıtanııa qorshaǵan ortany qorǵaý basqarmasy habarlady.
