Ulybrıtanııada jóndeý jumystary kezinde 14-shi ǵasyrdaǵy úńgir tabyldy
LONDON. QazAqparat - Osy aptanyń basynda kóshkinnen keıin jumysshylar Ulybrıtanııadaǵy temirjoldy jóndeý jumystary kezinde 14-shi ǵasyrda adamdar paıdalanǵan úńgir men sýretter tapty, dep habarlaıdy QazAqparat CNN-ge silteme jasap..
Ulybrıtanııadaǵy temirjol ınfraqurylymynyń ıesi jáne operatory NetworkRail kompanııasynyń málimetinshe, jumysshylar úńgirdi Anglııanyń Sýrreı grafyndaǵy Gıllford qalasy mańyndaǵy joldy jóndep jatqan kezde tapqan.
Boljam boıynsha, úńgir orta ǵasyrlarda Áýlıe Ekaterına shirkeýimen baılanysty dinı oryn nemese shirkeý retinde qoldanylǵan. 14 ǵasyrdyń basyndaǵy shirkeýdiń úıindileri temir jol mańyndaǵy tóbede ornalasqan. sarapshylardyń aıtýynsha, úńgir áldeqaıda úlken bolýy múmkin, onyń shaǵyn bóligi ǵana saqtalǵan. Tabylǵan sýretterde núktelermen bezendirilgen gotıkalyq teksheler jáne búıirinde hrıstıan krest beınesi salynǵan.
Sarapshylar 7-8 tekshe, sondaı-aq eki tostaǵan synyǵyn tapty. Olar úńgirdiń naqty kezeńin anyqtaý úshin radıokómirtekti zertteý júrgizedi. Úńgirden tabylǵan aǵash kómir men qoqysty da zertteýge qoldanýy múmkin.
Bul – Ulybrıtanııa temir joldy salý nemese jóndeý kezinde ashylǵan birneshe jańalyqtyń biri.
Naýryz aıynda Bırmıngem Kerzon-strıt stansasynan eń eski temir jol aıyryǵy tabyldy. 2014 jyly London kópirinde birneshe tarıhı artefakti tabylǵan bolatyn.
