Ulybrıtanııada jolaýshylardy poıyzǵa saýsaq izderi arqyly otyrǵyzý josparlanýda
ASTANA. QazAqparat - Rail Delivery Group brıtandyq temirjol operatory qarapaıym bıletten bas tartyp, bıometrııalyq baqylaý júıesine ótýdi josparlaıtynyn málim etti, dep habarlaıdy Railway Technology .
Rail Delivery Group kompanııasynyń paıymdaýynsha, saýsaq izderin tekserý - jolaýshylardy poıyzǵa otyrǵyzý ýaqytyn qysqartyp, temirjol qyzmetiniń jumysyn jeńildetýge múmkindik beredi. Jolaýshylar ózderiniń saýsaq izderin smartfon arqyly engize alady. Al, atalmysh qosymsha qazirgi tańda jasalý ústinde.
Bul júıeniń qashan iske asatyny jáne onyń qalaı jumys jasaıtyny ázirge belgisiz. Saýsaq izderin árbir qoldanýshy smartfon arqyly skanerlep, nátıjeni Bluetooth arqyly týrnıketke jiberýi múmkin. Keıinirek saýsaq izderin skanerleý qondyrǵysy týrnıketterge ornatylady.
Rail Delivery Group tasymaly bıometrııalyq baqylaýdyń basqa da túrlerin qarastyrýda. Mysaly, kóz torshasyn skanerleý júıesi de qoldanylýy múmkin.
