Ulybrıtanııada jasyna jetpeı qartaıyp ketken qyz qaıtys boldy
ASTANA. QazAqparat - Ulybrıtanııada sırek kezdesetin genetıkalyq syrqat - progerııaǵa ushyraǵan Heılı Okıns Bekshıll qalasyndaǵy (Shyǵys Sasseks graftyǵy) óz úıinde qaıtys boldy, dep habarlady Lenta.rý.
Ólimniń sebebi ókpeniń qabynýy boldy.
Progerııa saldarynan organızm segiz ese tez qartaıady, 17 jastaǵy qyzdyń bet álpetin 104 jastaǵy kempirdiń bet-ajaryndaı bolyp, ájim basyp ketken. Dárigerler mundaı dıagnozben Okıns 13 jyldan artyq ómir súre almaıdy, dep eskertken bolatyn, biraq olar tórt jylǵa qatelesti. Sońǵy kezde ol AQSh-ta ınnovatsııalyq preparattarmen emdeý kýrsynan ótip júrgen bolatyn. Alaıda ol ókpe qabynýy syrqatyna ushyrap, úıine qaıtýǵa májbúr boldy.
14 jasynda Okıns óziniń ǵumyrnamasyn jarııalady. Sondaı-aq mezgilinen buryn qartaıý jónindegi derekti fılmge tústi, The Washington Post basylymynyń jazýynsha, ol kóp saıahattady, prınts Charlzben, Kaılı Mınoýgpen jáne Djastın Bıbermen kezdesti.
Progerııa - sırek kezdesetin aýrý, onyń saldarynan adamnyń terisi men ishki organdary ózgeriske túsedi. Álemde osyndaı syrqatqa ushyraǵan 80-ge tarta adam ómir súrýde.
