Ulybrıtanııada jarylys bolyp, 30-dan astam adam jaralandy
ASTANA. QazAqparat - Ulybrıtanııanyń Mersısaıd graftyǵy Ýırrel aýdanynda jarylys bolyp, shamamen 32 adam jaralandy, dep habarlaıdy Lenta.ru.
Dárigerlerdiń aıtýynsha, 30 adamnyń jaraqaty asa aýyr emes, al japa shekkenderdiń ekeýi aýrýhanaǵa jóneltildi. Qaza tapqan adamnyń bar-joǵy týraly derek joq.
Jergilikti órt sóndirý qyzmetiniń habarlaýynsha, jarylys bı stýdııasynda bolǵan. Kýágerler ǵımarat tolyqtaı qıraǵanyn aıtady, sondaı-aq kórshi ǵımarattarǵa da zaqym kelgen.
Jarylys bolǵan jerde polıtsııa jumys istep jatyr, olar jarylystyń naqty neden bolǵanyn anyqtaý ústinde.
Oqıǵa 25 naýryz kúni jergilikti ýaqyt boıynsha 21:15-te bolǵan.
