Ulybrıtanııada jańartylatyn energııa kómir men gazdan kóp óndirildi
ASTANA. QazAqparat -Jańartylatyn energııa kózi alǵash ret Ulybrıtanııa elektr energııasy qajettiliginiń 50,7 paıyzyn (nemese 18,7 gıgavatt) qamtamasyz etti.
Mundaı energııa kózderine jel, kún panelderi, gıdrostantsııalar jáne aǵash úgindilerin jaǵý jatady. Eger ıadrolyq energııany qosar bolsaq, kórsetkish 72,1%-ke jetedi. Bul jaıly el aýmaǵynda energııa óndirýmen aınalysatyn National Grid operatory habarlady.
Rekord ótken sársenbide tirkeldi, oǵan aýa raıynyń qolaıly bolýy septigin tıgizdi: kún ashyq jáne qatty jel turdy. Alǵash ret ıadrolyq energııa jáne kúnnen alynatyn qýat kózi gaz ben kómirdi qosa alǵandaǵy kórsetkishten artyq energııa óndirdi.
Alaıda, jel jáne kún stantsııalarynyń tıimdiligi aýa raıyna tikeleı baılanysty bolǵandyqtan, olardyń jumysynyń nátıjesi turaqty bola bermeıdi. Kelesi kúni energııanyń negizgi kózi qaıtadan gaz jáne kómir stantsııalaryna aýysty.
