Ulybrıtanııada Jańa jyldy orasan zor otshashý jáne alaý sherýimen atap ótti
ASTANA. 1 qańtar, QazAqparat - Ulybrıtanııada 2012 jyldy orasan zor otshashýmen qarsy aldy. RBK habarlaýynsha, otshashýdy baqylaý úshin Londonnyń ortalyǵynda shamamen 250 myńǵa jýyq adam jınaldy.
Jańajyldyq otshashý 11 mınýtqa sozyldy, osy ýaqyttyń ishinde aspanǵa 50 myń zarıad jiberildi. Dybystyq súıemeldeý brıtandyq Radio 1-diń júrgizýshilerimen tańdanyp alyndy, oǵan The Beatles pen Queen sııaqty ataqty brıtandyq oryndaýshylardyń kompozıtsııalary kirdi.
Jańa jyldy merekeleý eldiń basqa qalalarynda da ótti. Osylaısha, Shotlandııa astanasy Edınbýrg qalasynda Hogmaneı dep atalatyn jyldyń birinshi kúnin merekeleý ótti. Dástúr boıynsha, Jańa jyldy shotlandtyqtar ortaǵasyrlyq kostıýmderdi kıip, alaý sherýimen qarsy alyp, ony faıer-shoý ótken Edınbýrg qorǵany qabyrǵasynyń janynda aıaqtady.
Nıý-Iorktyń ortalyq alańynda Jańa jyldy qarsy alýǵa daıyndalyp jatyr, dep habarlaıdy Reuters. Keshki saǵat altydan bastap polıtsııa qalanyń basty alańy - Taıms-Saıabaǵyna jetý joldaryn shektedi. Merekeleý osy jerde ótedi.
Jańa jyldy qarsy alý 2001 jylǵy 11 qyrkúıekte qaza tapqandardy eske alý sátinen bastalady. Osydan keıin nıý-ıorktyqtar aldynda Djastın Bıber, Sı-Lo Grın jáne Ledı Gaga sııaqty tanymal ánshiler óner kórsetedi.
1907 jyldan bergi dástúr boıynsha, keshtiń basty oqıǵasy úlken jarqyraǵan shardy ushyrý bolady. Onyń bezendirilýine 32 myń jaryqdıodtyq shamdar jumsalǵan. Bıylǵy jyly shardy ushyrý túımesin qala ákimi Maıkl Blýmberg pen Ledı Gaga basady.
