Ulybrıtanııada jalǵyzdyq máselesimen aınalysatyn «mınıstr» paıda boldy
ASTANA. QazAqparat - Brıtan úkimeti jalǵyzdyq máselesi nazar aýdaratyn problemalarynyń biri ekendigin aıtty. Bılik bul máseleni sheshýdi qazirgi sport jáne azamattyq qoǵam máseleleri jónindegi mınıstrdiń orynbasary Treısı Kraýchqa júktedi, dep habarlaıdy QazAqparat VVS silteme jasap.
Osylaısha, brıtan úkimeti Leıborıster partııasynyń depýtaty Djo Kokstyń bastamasyn qoldady.
42 jastaǵy Kraých «urpaqtar máselesin» qolǵa alatynyna qýanyshty ekendigin jetkizip, Ulybrıtanııada ózin jalǵyz sezinetin 9 mıllıon jastar men qarttardyń máselesin sheshetinin málim etti.
Ulybrıtanııa premeri Tereza Meıdiń aıtýynsha, Djo Koks aǵylshyn qoǵamyndaǵy jalǵyzdyq problemasyn túsinip, osy sııaqty adamdarǵa kómek kórsetý úshin bar kúshin aıamaǵan.
Byltyr júrgizilgen zertteý qorytyndysy - jalǵyzdyqtyń densaýlyqqa keltiretin zııany kúnine 15 ret shylym shegýmen para-par ekenin kórsetken.
