Ulybrıtanııada «ıadro-adam» mert boldy
ASTANA. 26 sáýir. QazAqparat - Anglııanyń ońtústiginde «ıadro-adam» trıýgin oryndaý barysynda 23 jastaǵy kaskader qaza tapty, dep jazady The Daily Mail.
Qaıǵyly oqıǵa 25 sáýirde Kent graftyǵynyń, Detlıng eldi mekeninde Pasha meıramyn atap ótýge arnalǵan is-shara barysynda oryn aldy. Trıýk «Skott Meı kaskaderlarynyń aqylǵa syıymsyz shoýy» aıasynda oryndalǵan bolatyn.
Jas jigitti 12 metr bıiktikke ushyryp edi, ol saqtandyrý toryna qonýdyń ornyna jerge qulady. Shoýdy júzdegen adam kórgen bolatyn. Qulaǵannan keıin kaskader aýrýhanaǵa dereý jetkizildi, biraq biraz ýaqyttan keıin kóz jumdy.
