Ulybrıtanııada úsh shal «ǵasyr urlyǵyn» jasady
ASTANA. QazAqparat - London soty «Hatton Garden» zergerlik aýdanynda urlyq jasaǵan 60-76 jas aralyǵyndaǵy adamdardy aıypty dep tanydy. Bul týraly «Daily Mail» saıtyna silteme jasaı otyryp, VVS agenttigi habarlady.
Sottalýshylar esimi: Hıý Doıl, Ýılıam Lınkoln jáne Karl Výd. Budan buryn taǵy tórt kúdikti - Braıan Rıder, Terrı Perkıns, Djon Kollıns jáne Denıel Djons óz aıyptaryn moıyndaǵan.
Urlyq 2015 jylǵy sáýirde jasalǵan. Olar «Hatton Garden» jer asty tonneline kirip, ol jerden somasy 14 mln fýnt sterlıngti quraıtyn aqsha, zergerlik buıymdar, sırek kezdesetin monetalar, altyn bar 73 seıfti alyp ketken. Polıtsııa urlanǵan zattyń úshten birin ǵana tárkiledi. Olar qalǵanyn áli qolǵa túse qoımaǵan Beızıl jasyryp otyr dep esepteıdi.
Qylmys mereke aldyndaǵy demalys kúnderi bolǵan. Olar sol kúni qoıma bos bolatynyn bilgen. Beızel qyzmetker retinde aqsha saqtalǵan ǵımaratqa kirgen. Sóıtip, artynan sybaılastaryn kirgizip alǵan.
Birinshi kúni dabyldy óshirip, elektrondyq qulypty syndyrǵan. Ekinshi kúni zattardy qoldy etken.
Urylardyń barlyǵy buryn sottalǵan. Olarǵa sot úkimi 7 naýryzda shyǵady.
