Ulybrıtanııada Uber qyzmetine tyıym salyndy

ASTANA. QazAqparat - Tumandy Albıon bıligi Uber taksı qyzmetine tyıym saldy, dep habarlaıdy Habar 24 telearnasy. 

Qaladaǵy kólik qatynasyna jaýap beretin basqarmanyń mundaı qadamǵa barýyna Uber kompanııasynyń qosymsha qun salyǵyn tólemeýi túrtki bolǵan. Sondaı-aq, Uber jolaýshylardyń qaýipsizdigin tolyq qamtamasyz etpegen. Onyń ústine brıtandyq depýtattar ár 11 kún saıyn osy qyzmet boıynsha qylmystyq istiń tirkeletinin anyqtaǵan.
Maýsym aıynda Uber taksıin júrgizýshiler tarapynan jynystyq zorlyq áreketteriniń áshkere bolýyna baılanysty osy kompanııanyń negizin qalaǵan Trevıs Kalanık qyzmetinen ketken edi.
Aıta keteıik, Uber taksı qyzmeti Londonda 2012 jyldan beri jumys istep keledi. Qosymshanyń kómegimen 400-den astam taksı júrgizýshileri osy júıege qyzmet istegen. Al úsh jarym myńdaı adam jolaýshy retinde onlaın qyzmettiń kómegine júgingen.