Ulybrıtanııada týnnelge kire beriste bolǵan jol apatynan alty adam qaza tapty
ASTANA. QazAqparat - Jeksenbi kúni Bırmıngem aýdanynda bolǵan iri jol apatynan alty adam mert boldy. Taǵy bir adamnyń jaǵdaıy asa aýyr, dep habarlady TASS Ýest-Mıdlends aýdanynyń jedel járdem qyzmetine silteme jasap.
Onyń deregi boıynsha, úsh avtomobıl Brıstol Road (Bristol Road) pen Lı Benk Mıdlveıdiń (Lee Bank Middleway) qıylysyndaǵy týnnelge kire beriste bir-birimen soqtyǵysqan. Apat jergilikti ýaqytpen 01:00-de bolǵan.
Qyzmettiń aqparaty boıynsha, soqtyǵysýdan qashqan taǵy úsh kólik te apatqa ushyraǵan. Avtomobılderdegi jolaýshylardyń úsheýi jaraqattandy.
