Ulybrıtanııada Tıtanıkten jazylǵan birinshi hat aýktsıonǵa qoıyldy
ASTANA. QazAqparat - Ulybrıtanııada «Tıtanıkte» jazylǵan jáne kemeniń birinshi jáne sońǵy saıahatqa attanýǵa birneshe saǵat qalǵanda jiberilgen alǵashqy hat aýktsıonǵa qoıylmaq.
Hatty 1912 jyly 10 sáýirde Pol Denbı sol kezde Manchesterde turyp jatqan áıeli Roýzge jazǵan. Bul kúni «Tıtanık» Saýtgemptonnan Nıý-Iorkke attandy, al hat avtory áıeliniń aǵasyn, ulybrıtanııalyq parfıýmer Adolf Zaalfeldti shyǵaryp salǵan, dep jazdy informing.ru.
«Qymbattym Goll (Goll -Pol Denbı áıelin osylaı ataǵan, red.)», - dep jazdy Denbı. - «Biz bul kemeden hat jazyp jatqan alǵashqylardyń birimiz».
Sondaı-aq Pol óz hatynda aǵasynyń kaıýtasyn sıpattap, onyń keń, qonaq úıdegi nomer sııaqty ekenin, yńǵaıly dıvan men elektr jeldetkishi bar ekenin jazdy.
Atap óteıik, hat «Tıtanıktiń» fırmalyq blankinde nemis tilinde jazylǵan. Ol ázirge 21 myń dollarǵa baǵalanyp otyr.
