Ulybrıtanııada sheteldik stýdentter úshin vızalyq talaptardy jeńildetý usynyldy
BRıÝSSELЬ. QazAqparat - Ulybrıtanııa ýnıversıtetteri sheteldik stýdentterdiń oqýdy aıaqtaǵannan keıin eki jyl boıy qalyp, jumys isteýine múmkindik beretin vızalyq júıege ózgerister engizýge shaqyrdy. Bul týraly qazirgi tańda Anglııanyń Sheffıld qalasynda ótip jatqan Ulybrıtanııa ýnıversıtetteriniń jyl saıynǵy konferentsııasynda aıtyldy, dep habarlaıdy QazAqparattyń menshikti tilshisi.
Brıtanııa úkimeti 2012 jyly EO quramyna kirmeıtin elderdiń stýdentterine oqý aıaqtalǵannan keıin elde qalyp jumys isteý úshin vıza berýden bas tartqan edi. Ýnıversıtet qaýymdastyǵynyń paıymdaýynsha, bul ereje eldiń áleýetti úmitkerlerdi tańdaýyna kedergi keltirýde.
2011 jyldan bastap stýdenttik vıza engizgen Aýstralııa, Kanada jáne AQSh-taǵy joǵary oqý oryndaryna sheteldikter tarapynan suranys artqany atap ótildi. Al, Ulybrıtanııada tirkelgen stýdentterdiń jalpy sany sol deńgeıde qalyp qoıǵan.
AQSh pen Kanada sheteldik túlekterge ýnıversıtet támamdaǵannan keıin úsh jylǵa deıin, al Aýstralııa - tórt jylǵa deıin qalyp, jumys isteýlerine múmkindik jasap otyr.
Ýnıversıtetterdiń aıtýynsha, Ulybrıtanııa sheteldik stýdentterge bilim oshaqtaryn bitirgennen keıin eki jylǵa deıin qalyp, jumys isteýge ruqsat berý arqyly oqý úshin tartymdy oryn bolmaq. Al, bul basqa da tanymal baǵyttarda básekelesýge múmkindik beredi.
