Ulybrıtanııada shańsorǵyshtar murajaıy ashyldy

dep habarlaıdy QazAqparat Lenta.rý saıtyna silteme jasap. Murajaıdy ómiriniń 20 jylyn shańsorǵyshtarǵa arnaǵan jasy 30-daǵy Djeıms Braýn ashty.

Braýn shańsorǵyshtarǵa bala jasynan qyzyǵýshylyq tanytyp keledi. Ol segiz jasynda qoqystardan taýyp alǵan alǵashqy shańsorǵyshty jóndeıdi, al jasy 13-ke tolǵanda Djeıms Braýnnyń 30 shańsorǵyshy bolǵan. Oqýdy aıaqtaǵannan keıin ol jergilikti qoǵamdyq klýbta jumys isteıdi, alaıda eńbekaqysynyń mardymsyz bolýy onyń súıikti isine aqsha jumsaýyna múmkindik bermedi. Kóp uzamaı Braýn jumystan bosaıdy jáne dúken-sheberhana ashyp, onda shańsorǵyshtardy alyp-satýmen jáne jóndeýmen aınalysady.

Birshama ýaqyt buryn Djeıms Braýnǵa Koroldik otbasy qorynan murajaıdy ashý úshin aqsha alýdyń sáti túsedi. Jádigerler sheberhana janyndaǵy úı-jaıǵa qoıylǵan jáne olardyń barlyǵy da aqaýsyz jumys isteıdi. Tek keıbir eń qundy shańsorǵyshtar ǵana qaýipsizdik paıymy turǵysynan jurtshylyq nazaryna usynylmady.

Qazirgi ýaqytta Braýnnyń kollektsııasynda jalpy jıyny eýropalyq jáne amerıkandyq 126 shańsorǵysh bar. Olardyń ishinde ótken ǵasyrdyń 30-ynshy jyldaryndaǵy quraldardy da kezdestirýge bolady.