Ulybrıtanııada saǵyz úshin aıyppul salady
ASTANA. 9 naýryz. QazAqparat - Glazgo qalasynda mýnıtsıpaldy keńeske daýys berýge osyndaı máseleni leıborısterdiń ókili Pol Kerrı shyǵardy dep habarlaıdy lenta.ru The Evening Times gazetine silteme jasap.
Onyń pikirinshe, kóshede kele jatyp saǵyzdy jerge túkiretinderge aıyppul salý qajet. Biraq aıyppuldyń kólemi jaıly P.Kerrı tis jarmady.
Bastama avtory túsken qarajat qalany tazalaýǵa jumsalady dep otyr. Jyl saıyn Ulybrıtanııa kóshelerin saǵyzdan tazartýǵa bıýdjetten 150 mıllıon fýnt (shamamen 35 mlrd. teńge - avt.) jumsalady eken.
Mılton-Kıns qalasynda da jergilikti bıznesmender osyndaı tyıymdy engizýdi usynyp otyr.
Ulybrıtanııa saǵyzben kúresti birneshe jyl buryn bastaǵan. 2009 jyly elde kıim men trotýarǵa jabyspaıtyn arnaıy saǵyzdar shyǵaryla bastady.
Bul tek Ulybrıtanııany ǵana tolǵandyratyn másele emes. Atap aıtqanda, ótken jyldyń mamyrynda bizdiń elde saǵyz, shylym jáne basqa da qoqysty jerge tastaýǵa qarsy kampanııa bastaldy. Al Sıngapýrda 20 jyl boıy saǵyzǵa múldem tyıym salynǵan bolatyn. Tek 2004 jyly bul elde saǵyz dárihanada dárigerdiń retseptimen satylatyn boldy.
