Ulybrıtanııada robot-hırýrg eki syrqattyń búıregin aýystyrdy
ASTANA. QazAqparat - Londonda Qasıetti Tomas aýrýhanasynyń hırýgtary da Vinci robottyq júıesiniń kómegimen búırek almastyrýǵa qatysty eki otany sátti ótkizdi. Bul týraly Daily Mail jazady.
42 jastaǵy Sıoban Morrıs osymen ekinshi márte búıregin ota jasatyp almastyrdy. Birinshi operatsııa 2007 jyly ótkizilgen. Naýqas bul joly otadan keıin ózin buryǵnydan qaraǵanda jaqsy sezingenin, birinshi otaǵa qaraǵanda aýrý belgileri «80%-ǵa az bolǵanyn aıtýda». Al kelesi patsıent 58 jastaǵy Endı Brýks otanyń kelesi kúni «tósekten sekirip turyp, júrýge» jaraǵanyn málimdegen.
Transplantologııadan keńesshi Nızam Mamodtyń aıtýynsha, syrqattardyń aýyrsynýyn basý úshin bul joly paratsetamol jetkilikti bolǵan. Al buryn mundaı otadan keıin birnege kún morfın berilip kelgen.
da Vinci robottandyrylǵan hırýrgııalyq apparatty Intuitive Surgical kompanııasy jasaıdy. Onyń saımanmen jáne 3D-kameramen jabdyqtalǵan tórt qol-manıpýlıatory bar. Robot áreketterin operator dáriger basqarady.
