Ulybrıtanııada plastıkalyq aqshalar aınalymǵa tústi
ASTANA. QazAqparat - Shotlandııadva Ulybrıtanııadaǵy alǵashqy plastıkalyq aqshalar aınalymǵa tústi. Bes fýnttyq kýpıýralardy óz banknottaryn shyǵarýǵa quqyly jergilikti Clydesdale kommertsııalyq banki basyp shyǵardy, dep habarlady Lenta.rý.
Barlyǵy eki mıllıonǵa jýyq osyndaı kýpıýralardy shyǵarý josparlanýda. Plastıkalyq aqshalardy shyǵarý Fert-of-Fort shyǵanaǵy arqyly ótetin kópirdiń 125 jyldyǵyna oraılastyrylyp otyr. Banknotta osy qurylysty salǵan ınjener Ýılıam Arrol beınelengen.
2016 jyly polımer materıaldarynan jasalǵan aqsha Anglııada aınalymǵa túsedi. 2013 jylǵy jeltoqsanda bes fýnttyq banknotta Ulybrıtanııanyń burynǵy premer-mınıstri Ýınston Cherchıll, al 10 fýnttyq kýpıýrada - jazýshy Djeıms Ostın beıneledi, dep habarlanǵan bolatyn.
Alǵashqy plastıkalyq banknottar 1980 jyldardyń sońynda Avstralııada shyǵarylǵan bolatyn. Qazirgi kezde mundaı aqshalar Izraıl, Jańa Zelandııa, Kanada jáne Qytaı sııaqty 20-dan astam elderde qoldanylady.
Polımer materıaldarynan jasalǵan kýpıýralar qaǵaz aqshalardan qymbat, biraq ta ylǵal men kirdiń áserine ushyramaıtyndyqtan 2,5 ese uzaq qyzmet etedi.
