Ulybrıtanııada otyryp oınaıtyn voleıboldan Qurlyqaralyq kýbok sarapqa salynyp jatyr
ALMATY. 14 shilde. QazAqparat /Erlik Erjanuly/ - Ulybrıtanııanyń Keterıng qalasynda ótip jatqan otyryp oınaıtyn voleıboldan Qurlyqaralyq kýbokta Qazaqstan quramasy «A» tobynda synǵa túsip jatyr. Shildeniń 11-i kúni bastalǵan bul dúbirli dodanyń aqtyq oıyny senbi kúni ótedi.
Onda Qazaqstn ulttyq quramasynyń bas bapkeri Baýyrjan Taqaýovtyń tálimgerleri Bosnııa-Gertsegovına (25:11, 25:8,25:11) men Ýkraınaǵa (25:11, 25:18, 25:15) 0:3, al Brazılııaǵa (21:25, 17:25, 25:23, 20:25) 1:3 esebimen ese jiberdi. Endi olar 9-11 oryndar úshin Ázirbaıjan men Kanada quramalarymen kezdesedi.
Jalpy, Qurlyqaralyq kýboktyń birinshi dıvızıonynda 11 eldiń quramasy baq synaýda. Qazaqstan oǵan 2010 jylǵy 2-dıvızıonnyń jeńimpazy retinde bıyl alǵash ret qatysyp otyr.
