Ulybrıtanııada Oraza aıtyn merekelep jatqandardy kólik qaqty
ASTANA. QazAqparat - Ulybrıtanııanyń Nıýkasl qalasynda avtokólik qalyń kópshilik arasymen júrip ótti, saldarynan alty adam zardap shekti. Bul týraly Nortamberlend polıtsııasy Twitter -de habarlady.
Kúdikti retinde 42 jastaǵy áıel ustaldy, onyń esimi ázirge atalmaýda.
Qala bıligi lańkestik týraly nusqany qarastyryp jatqan joq. Degenmen, oqıǵa ornyna polıtsııanyń tikushaǵy men qarýlanǵan polıtseıler jetken.
Kólik astynda qalǵan adamdar musylmandardyń Oraza aıt merekesin atap ótip jatqan, dep habarlaıdy BBC News.
Eske salaıyq, osyǵan uqsas oqıǵaǵa 3 maýsym kúni boldy. Kólikke mingen úsh er adam Londondaǵy kópir aımaǵynda adamdardyń arasymen júrip ótip, odan ári Boro bazaryna deıin jetken. Ol jerde mashınadan túse sala pyshaqpen adamdarǵa shabýyldaı bastaǵan edi. Polıtsııa lańkesterdiń kózin joıdy. Sońǵy málimetter boıynsha, shabýyl saldarynan 8 adam qaza bolyp, taǵy 48-i zardap shekti.
