Ulybrıtanııada medbıkege 7 sábıdi óltirdi degen aıyp taǵyldy

LONDON. QazAqparat – Ulybrıtanııada medbıke Lıýsı Letbı jeti sábıdiń ólimine kináli dep tanyldy, dep habarlaıdy QazAqparat BBC-ge silteme jasap.

Ol 2015 jyldyń maýsymy men 2016 jyldyń maýsymy aralyǵynda Chester aýrýhanasynyń grafınıasynda (Chesterdegi negizgi NHS aýrýhanasy) jumys istegen kezde jańa týǵan nárestelerdi shprıtspen aýa engizý arqyly óltirgen.

Sondaı-aq aýrýhananyń jańa týǵan náresteler bólimshesinde ádeıi aýa engizý, artyq tamaqtandyrý jáne ınsýlınmen ýlaný sııaqty ádisterdi qoldanyp, taǵy alty náresteni óltirmek bolǵany úshin kináli dep tanyldy. Qazylar alqasy sábılerdi óltirýge oqtalýǵa qatysty taǵy alty aıyp boıynsha úkim shyǵara almady. Prokýrorlar bul baptar boıynsha isti qaıta qaraý úshin 28 kún suraǵan.

Manchester soty 21 tamyzda Letbıge qatysty úkim shyǵarýy kerek.