Ulybrıtanııada Qurannyń kóne paraǵy tabyldy
ASTANA. QazAqparat - Ulybrıtanııada Qurannyń álemdegi eń kóne paraǵy tabyldy. Bırmıngem Ýnıversıtetiniń qyzmetkerleri kitaphanada saqtalǵan qasıetti kitaptyń paraǵy 1370 jyl buryn jazylǵanyn anyqtady.
Ǵalymdardyń aıtýynsha, bul paraqtyń jazǵan adam Muhammed paıǵambarmen kezdesken nemese onyń nasıhatyn tyńdaǵan jan bolýy múmkin.
Júzdegen jyldar qoltańba Taıaý Shyǵystan kelgen kitaptar men qujattarmen birge oqý ornynyń kitaphanasynda saqtalyp kelgen. Qoı nemese eshki terisine jazylǵan mátinge zertteýshilerdiń biri nazar aýdarǵan. Sosyn paraqty radıokómirtegi taldaýynan ótkizdi. Zertteý nátıjeleri kıeli kitap fragmenti 568, 645 jyldar arasynda jazylǵandyǵyn (95 paıyz) kórsetti, dep jazady TASS. «Qurannyń álemdegi eń kóne paraǵy bizde saqtalypty - ǵajap jaǵdaı», - dep alǵan áserin jasyra almady ýnıversıtet ókili Sıýzen Ýorral. Taıaý Shyǵystan kelgen myńdaǵan kóne qujattarmen qoltańba paraǵyn 1920-shy jyldary ýnıversıtetke Irak týmasy, tarıhshy Alfons Mıngan tabystaǵan.
