Ulybrıtanııada kún saıyn esirtkige táýeldi 4 náreste dúnıege keledi
ASTANA. QazAqparat - Sábıler ana qursaǵynda jatyp-aq esirtkige táýeldi bolýy múmkin. Bul týraly The Mirror habarlaıdy.
Basylymnyń ózi júrgizgen iri zertteýiniń negizinde jazýynsha, Ulybrıtanııada kún saıyn dúnıe esigin ashqan nárestelerdiń tórteýinen geroınge, kokaınge jáne basqa da esirtki túrlerine táýeldilik anyqtalady eken. 2009 jyldan beri bul elde sondaı 5800 bala jaryq dúnıe esigin ashqan. Bul jan túrshigerlik málimetter olardyń analarynyń júktilik kezinde esirtki qabyldaýlarynyń saldarynan bolatyn jaǵymsyz ásermen túsindiriledi.
The Mirror keltirgen málimetterge súıensek, jyl saıyn jańa týǵan 1500 náresteniń ómiriniń alǵashqy saǵattarynda-aq olardan absıstentti sındrom belgileri baıqalady. Tipti, keı jaǵdaılarda medıtsına qyzmetkerleri sábılerge olardyń geroınge táýeldiligin azaıtý úshin apıyn alkoloıdtaryn berýge týra keledi eken.
