Ulybrıtanııada koronavırýstyń jańa tolqyny saldarynan barlyq boks jekpe-jegi toqtatyldy

NUR-SULTAN. QazAqparat - Brıtandyq boksty baqylaý keńesi COVID-19 ınfektsııasynyń jańa tolqynyna baılanysty karantın shekteýlerine oraı Ulybrıtanııada 2022 jyldyń qańtarynda josparlanǵan barlyq is-sharalardy toqtatý týraly sheshim qabyldady, dep habarlaıdy QazAqparat Sports.kz-ke silteme jasap.

Keıinge qaldyrylǵan eń iri shara 29 qańtarda Kardıffte (Ýels) ótetin orta salmaqtaǵy jergilikti Krıs ıÝbenk (31-2, 23 KO) pen Lıam Ýılıamstyń (23-3-1, 18 KO) jekpe-jegi. Sondaı-aq, Klarıssa Shılds pen Emma Kozın arasyndaǵy áıelder orta dıvızıonynda kóptegen ataqtar úshin jekpe-jek bolýy kerek edi.

Olar eldegi koronavırýsqa qatysty jaǵdaı turaqtanǵan kezde shaıqastardyń qaı kúni ótetinin jarııalaýǵa ýáde berdi.

Buǵan deıin 2021 jyldyń 6-19 jeltoqsany aralyǵynda Ystanbulda bokstan ótetin AIBA-nyń áıelder arasyndaǵy álem chempıonaty kelesi jylǵa aýystyrylǵany habarlanǵan bolatyn.