Ulybrıtanııada koronavırýstan bir táýlikte 1 035 adam kóz jumdy

NUR-SULTAN. QazAqparat - Ulybrıtanııadaǵy jaǵdaı - álemdegi kúrdeli jaǵdaılardyń biri. Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi VAK jumysy týraly telegram kanalǵa silteme jasap habarlaıdy.

Senbide Covid-19-dan taǵy 1 035 adam qaıtys boldy. Juqtyrǵandar sany boıynsha Ulybrıtanııa álemde besinshi orynda tur - 3 mıllıonnan astam adam qaıtys bolǵan. Sońǵy táýlikte indetti juqtyrǵandardyń 60 myńǵa jýyq jańa jaǵdaıy tirkelgen.

Álemde COVID-19 juqtyrǵandar sany boıynsha ekinshi (10,4 mln adam) jáne qaıtys bolǵandar sany boıynsha úshinshi (150,7 myń) orynda turǵan Úndistan 16 qańtardan bastap halyqty vaktsınatsııalaý boıynsha keń aýqymdy naýqan bastamaq.
Izraıl barlyq kámeletke tolǵan barlyq azamattaryna COVID-19 qarsy ekpe saldyrǵan álemdegi birinshi el bolmaq. El bıligi 16 jastan asqan barlyq ızraıldikterdiń naýryz aıynyń aıaǵyna deıin ekpe ala alady dep josparlaýda.
Ótken jyly COVID-19 indeti alǵash ret tirkelgen Qytaıda, el bıligi Hebeı provıntsııasynyń 11 mıllıon turǵyny bar Shıtszıachjýan qalasymen kólik qatynasyn toqtatty. Qala aýrýhanalaryna 3 myńǵa jýyq dáriger jiberildi. Turǵyndardy jappaı testileý jumystary júrgizilýde. Mektepter men balabaqshalarda sabaq toqtatyldy.