Ulybrıtanııada koronavırýsqa qarsy vaktsınany birinshi bolyp 91 jastaǵy ájeı saldyrdy

LONDON. QazAqparat – Ulybrıtanııada seısenbi kúni koronavırýs ınfektsııasyna qarsy jappaı vaktsınatsııalaý bastaldy. Eń aldymen ekpeni qaýip-qater tobynda turǵandar alady, dep habarlaıdy QazAqparat Euronews agenttigine silteme jasap.

Qaýip-qater tobyndaǵylar: medıtsınalyq-áleýmettik mekeme qyzmetkerleri men egde jastaǵy adamdar.

Kelesi aptada 91 jasqa tolatyn zeınetker Margaret Kınan:

«Meniń aıtarym mynaý - ekpe jasatyńyzdar. Vaktsına alyp, ózderińizdi qorǵańyzdar, bul tegin jasalady. Men ekpe aldym, endeshe sizder de jasata alasyzdar. Bul – jaman aýrý. Eger biz epıdemııany toqtatqymyz kelse, COVID-19-ǵa qarsy ekpe alý arqyly saqtyq sharalaryn qabyldaýymyz kerek», - deıdi.

Búgingi kúnde Ulybrıtanııa, ásirese, egde jastaǵylar arasynda kıronavırýs ınfektsııasynan bolatyn ólim jaǵdaılarynyń sany boıynsha álemde kósh bastap tur.