Ulybrıtanııada koronavırýs juqtyrǵandar jáne ólim kúrt ósti

LONDON. QazAqparat – 10 aı buryn jańa koronavırýstyń qytaılyq Ýhan qalasynda anyqtalǵan kezden beri búkil álem boıynsha Covid-19 ınfektsııasynan qurban bolǵandar sany bir mıllıonǵa jetti. Bul týraly QazAqparat VVS agenttigine silteme jasap habarlaıdy.

Soltústik Amerıkada 308 myńnan astam adam, Ońtústik Amerıkada 250 myńǵa jýyq adam, Eýropada 221 myń adam, Azııada – 190 myń adam qaıtys boldy.

Qaýipti vırýstan eń kóp zardap shekken el – AQSh (210 myńdaı adam), ekinshi orynda Brazılııa (142 myń adam), odan keıin tizimde Úndistan (96 myńnan astam adam), Meksıka (76 myńnan astam adam) jáne Brıtanııa (42 myńnan astam adam) tur.

Seısenbi kúni Brıtanııada sońǵy 28 kúnde kovıd anyqtalǵan taǵy 71 adamnyń ólimi tirkelgen – bul sońǵy birneshe aıdyń ishindegi eń joǵary kórsetkish. Brıtanııada vırýstan qaıtys bolǵandardyń jalpy sany – 42 072 adam.

Ótken táýlik ishinde taǵy 7143 oqıǵa anyqtalǵan – bul Brıtanııadaǵy jappaı testileý bastalǵannan beri bir táýlik ishindegi rekordtyq kórsetkish. Sarapshylar kóktemde aýrýǵa shaldyqqandar sanynyń ósimi áldeqaıda joǵary bolǵanyn, biraq sol kezde testileý kóbinese aýrýdyń aýyr belgileri bolǵan adamdarǵa ǵana júrgizilgenin shamalap otyr. Brıtanııada kovıd dıagnozy 439 adamnan rastalǵan.

Pandemııa bastalǵannan beri, 188 elde 33,5 myńnan astam aadm aýrýǵa shaldyqty. 25 mln jýyq adam jazylyp shyqqan, shamamen 7,5 mln adam qazirgi kezde em qabyldap jatyr, sonyń ishinde 65,3 myń adam aýyr nemese óte aýyr halde jatyr.

«Ólim deńgeıiniń tómendeıtin belgileri joq. Ókinishke qaraı, ol vaktsına paıda bolmaǵansha sol deńgeıde qalyp otyratyn shyǵar», - dep málim etti Bı-bı-sı agenttigine Melbýrn qalasyndaǵy Turǵyndar men jahandyq densaýlyq mektebiniń basshysy Nensı Bakster.

Eske salsaq, Anglııada karantın talaptaryn buzǵandarǵa 10 myń fýntqa deıin aıyppul salynbaq.