Ulybrıtanııada koronavırýs vaktsınasynyń keri áserine baılanysty klınıkalyq synaq toqtatyldy
LONDON. QazAqparat – Brıtandyq Oksford ýnıversıteti men AstraZeneca jasaǵan koronavırýsqa qarsy vaktsınanyń sońǵy klınıkalyq synaqtary toqtatyldy. Vaktsına Ulybrıtanııadaǵy qatysýshylarynyń birine keri áserin bergen, dep habarlaıdy QazAqparat BBC-ge silteme jasap.
AstraZeneca-Oksford ýnıversıtetiniń vaktsınasy álemde jasalyp jatqan ondaǵan vaktsınanyń úzdikteri qataryna kiredi.
Vaktsına 1 jáne 2 kezeńinde synaqtan sátti ótken. Sol sebepti naryqta alǵashqylardyń biri bolyp qoldanysqa shyǵady degen úlken úmit bolǵan.
Onyń 3-testileý kezeńine ótýi sońǵy aptalarda AQSh, Ulybrıtanııa, Brazılııa jáne Ońtústik Afrıka elderinen 30 myńǵa jýyq adam qatysýǵa tilek bildirgen.
Vaktsınalardy synaýdyń 3-kezeńi ádette myńdaǵan qatysýshylardy qamtıdy jáne birneshe jylǵa sozylýy múmkin.
Eske salsaq, Reseıde koronavırýsqa qarsy vaktsınanyń alǵashqy partııasy aınalymǵa shyǵarǵan bolatyn.