Ulybrıtanııada Ferrarı avtokóligi rekordtyq 32 mln. dollarǵa satyldy
ASTANA. 7 aqpan. QazAqparat - Ulybrıtanııada 1963 jyly shyqqan "Ferrarı-250 GTO markaly avtokólik rekordtyq somaǵa, atap aıtqanda 32 mln. dollarǵa (20, 2 mln. fýnt) satyldy.
Bul Ferrarı avtokóligi saǵatyna 280 shaqyrymdy júredi. Aıta keteıik, 1962-1964 jyldar aralyǵynda osyndaı qymbat turatyn 39 kólik shyǵarylǵan.
Sonymen qatar, 2010 jyly 1936 jyly shyǵarylǵan sırek kezdesetin «Býgattı-57SC» markaly avtokólik óte qymbat baǵaǵa - 35 mln. dollarǵa satylǵan edi.
