Ulybrıtanııada erekshe qurylǵy esektiń tilin aýdara alady
ASTANA. QazAqparat - Londonda esektiń tilin túsinetin aýdarmashy jumys isteıdi. Ol eńbegi adal, eti aram janýarmen jaqynyraq tanysýǵa kómektesedi, dep habarlaıdy 24.kz telearnasy.
Maǵynasyz aqyryp, mıdy ashytatyn myna aşy aıqaıdy endi adamsha túsinýge bolady. Bul mamandar oılap tapqan arnaıy aýdarmashy-quraldyń arqasynda múmkin bolyp otyr. Qurylǵy janýardyń moınyna bekitiledi. Ol esektiń minez-qulqynan habar beretin belgilerdi tanyp, áp-sátte aǵylshyn tiline aýdara qoıady. Esekter parkin ashqan Mark Inesonnyń tórtaıaqty janýardy zerttep kele jatqanyna 20 jyldan asqan. «Meniń 17 esegim bar. Árqaısysymen kún saıyn jumys istep jatyrmyz. Sondyqtan bul janýardyń ár qımyl-áreketin, emotsııalaryn, jalpy olardyń ne týraly oılaıtynyn ońaı ańǵaratyn deńgeıge jettik», deıdi ol.
Kurylǵyny oılap tapqan kompanııa qyzmetkeri Hloıa Kochman: «Bul quraldyń daýys qurylǵysy bar. Ol dybystardy túısinip, adam tiline aýdarady», deıdi.
