Ulybrıtanııada elektr energııasy 80% deıin qymbattaıdy

LONDON. QazAqparat – Elektr energııasynyń baǵasyn retteýshi brıtandyq Ofgem kompanııasy osy jyldyń qazan aıynan bastap tutynýshylardan alynatyn baǵanyń óskenin jarııalady, dep habarlaıdy QazAqparat Euronews-ke silteme jasap.

Eger buryn úı sharýashylyqtary jylyna orta eseppen 2000 fýnt tólese, osy jyldyń sońyna qaraı elektr energııasynyń ortasha tarıfi 3550 fýntqa deıin ósedi.

Ulybrıtanııada elektr energııasynyń munsha qymbattaýy úı sharýashylyqtarynyń negizgi qajettilikterge jalpy shyǵyndy kúrt arttyra túsedi. Bul rette, eldegi ınflıatsııa búginde 10% asqanyn aıta keteıik.

Úkimet satyp alý qabileti tómendep bara jatqan halyqqa áleýmettik kómek paketiniń jobasyn Parlamentke usynýǵa májbúr bolatyny aıtylýda.