Ulybrıtanııada eldiń EO-ǵa músheligi týraly referendým bastaldy
ASTANA. QazAqparat - Ulybrıtanııanyń Eýroodaqqa músheligi boıynsha referendým Birikken Koroldikte bastaldy. Jergilikti ýaqyt boıynsha saǵat 07:00-de el boıynsha 41 myń saılaý ýchaskesiniń esikteri ashyldy.
Daýys berý quqyǵy bar 46,5 mln brıtandyq azamattyq boryshyn oryndaýǵa jáne London men Brıýssel arasyndaǵy aldaǵy qatynastary týraly pikirin bildirýge 15 saǵat beriledi. Saılaýshylar saılaý tarıhyndaǵy rekordyq sandy kórsetti. Anglııada eń kóp - 38,96 mln adam tirkeldi. Odan keıin Shotlandııa - 3,99 mln, Ýels - 2,27 mln, Soltústik Irlandııa - 1,26 mln jáne Gıbraltar - 24 myń adam, dep habarlady TASS.
Bıýlletende bir suraq qana qoıylǵan: «Birikken Koroldik Eýropalyq odaq quramynda qalýy tıis pe6 álde Eýropalyq odaqtan shyǵýy qajet pe?».
Ár onynshy brıtandyq qandaı tańdaý qajettigin bilmeıdi dese bolady. Saılaý nátıjesi London men Brıýssel arasyndaǵy keleshek qatynastardy ǵana aıqyndap qoımaı, sonymen birge sońǵy 61 jylda kemimeı, tek ulǵaıǵan EO taǵdyryn da sheshedi.
Halyq tańdaýynyń alǵashqy nátıjeleri juma tańerteń belgili bolady.
