Ulybrıtanııada eki jolaýshylar poıyzy soqtyǵysyp qaldy - VIDEO
ASTANA. QazAqparat - Ulybrıtanııanyń ońtústigindegi Plımýta qalasy stansasynda eki jolaýshylar poıyzynyń soqtyǵysyp qalýy saldarynan zardap shekkenderdiń sany 18 adamǵa jetti, dep habarlaıdy Bı-bı-sı.
Buǵan deıin 9 adam japa shekkendigi habarlanǵan bolatyn.
Jergilikti polıtsııa taratqan málimetke qaraǵanda, jeksenbi kúni jolaýshylar poıyzy soqtyǵysy saldarynan japa shekkenderdiń báriniń ómirine qaýip tónip turǵan joq. Olardyń segizi jergilikti aýrýhanaǵa jatqyzylǵan. Qazirgi sátte oqıǵanyń neden oryn alǵandyǵy tekserilip jatyr.
