Ulybrıtanııada eki mıllıon adamǵa koronavırýsqa qarsy vaktsına egildi
LONDON. QazAqparat – Anglııada Covid-19 vırýsyna qarsy jappaı vaktsınalaýdyń jeti haby ashyldy. Kórme ortalyqtary men fýtbol stadıondary, koroldik otbasynyń tanymal ıppodromynyń janynda adamdarǵa ekpe egý oryndary uıymdastyrylýda, dep habarlaıdy QazAqparat BBC agenttigine silteme jasap.
Jappaı vaktsınalaýǵa artylyp otyrǵan senim joǵary, sebebi elde koronavırýstyń «brıtandyq shtammyn» juqtyrǵandar sany ósip keledi.
Jalpy Brıtanııanyń eki mıllıon turǵyn aýrýǵa qarsy ekpe aldy.
El bıligi kúzge qaraı Brıtanııanyń barlyq eresek turǵyndaryna ekpe jasaýdy josparlap otyr.
Eske salsaq, Ulybrıtanııada B.1.1.7 ataýly koronavırýstyń jańa shtamy anyqtaldy. Keıin ol álemniń 41 eline jáne Reseıge tarap úlgerdi.Koronavırýstyń jańa shtamy týraly tolyq málimetterdi myna jerden kórýge bolady. Ázirge Qazaqstanda mundaı shtamy bar aýyrý belgileri tirkelgen joq.
