Ulybrıtanııada COVID-19-dyń jańa tolqyny qashan bastalatyny boljandy
LONDON. QazAqparat - Koronavırýs ınfektsııasynyń taralýynyń jańa órshýi kúzde bolýy múmkin. Bul boljamdy Ulybrıtanııa Ulttyq statıstıka basqarmasynyń basshysy Ien Daımond 14 naýryz kúni aıtty, dep habarlaıdy QazAqparat.
«Kúzde ınfektsııanyń jańa tolqyny bolatynyna kúmánim joq», - dedi Ulybrıtanııa Ulttyq statıstıka basqarmasynyń basshysy Ien Daımond «Bı-bı-sı» telearnasynda.
Mamannyń aıtýy boıynsha, COVID-19-dyń kelesi tolqyny qashan bolatynyna boljam jasaý úshin qoldanylatyn vaktsınalardyń tıimdiligin túsiný mańyzdy.
«Biz bul vırýstyń eshqaıda ketpeıtinin moıyndaýymyz kerek», - deıdi ol.
4 naýryzda The Mirror basylymy Ulybrıtanııada koronavırýs ınfektsııasynyń jańa shtamy paıda bolǵany týraly jazǵan bolatyn. Basylymda COVID-19-dyń bul nusqasynda ońtústikafrıkalyq jáne brazılııalyq mýtatsııamen ortaq uqsastyǵy bar ekendigi aıtylǵan. Ol kezde vırýstyń osy túrimen 16 adam aýyrǵany belgili boldy jáne olar oqshaýlandyrylǵan edi.
