Ulybrıtanııada Brexit qurmetine moneta shyǵarylady
NUR-SULTAN. QazAqparat – Ulybrıtanııa qarjy mınıstri Sadjıd Djavıd 50 pens mıllıondaǵan estelik monetasyn shyǵarýdy kózdep otyr. Ol osy jyldyń qazanynda Brıtanııa Eýropalyq odaqtan ketken kezde shyǵarylady, dep habarlaıdy QazAqparat BBC-ge silteme jasap.
Onyń aldynda bolǵan eldiń qarjy mınıstri Fılıpp Hammond tıynnyń kollektsııalyq nusqasyn shyǵarýdy josparlaǵan bolatyn. Djavıd jalpy qoldanysta bolatyn monetany shyǵarýǵa úmittenip otyr. 2018 jyldyń qazanynda Hammond 10 000 tıyn shyǵarý týraly josparyn jarııa etti. Olardyń árqaısysy kollektsıonerlerge 10 fýnttan satylmaq.
Jańa tıyndardyń dızaıny burynǵysha, «Beıbitshilik, gúldený jáne barlyq halyqtarmen dostastyq» jazbasymen bolady. Biraq, onyń datasy EO-dan shyqqan kúnmen jańartylmaq.
50 pens moneta 1973 jyly Ulybrıtanııa Eýropalyq Ekonomıkalyq Qoǵamdastyqqa qosylǵanda jáne 1998 jyly EO-ǵa tóraǵalyq etkende aınalymǵa shyǵarylǵan edi.
