Ulybrıtanııada barlyq shekteýlerdi jeńildetý bir aıǵa shegerildi
NUR-SULTAN. QazAqparat - Ulybrıtanııa Premer-mınıstri Borıs Djonson ótken jyldyń naýryz aıynda Sovid-19 pandemııasyna baılanysty engizilgen barlyq shekteýlerdi jeńildetý sharalaryn bir aıǵa shegerdi. Bul týraly ol baspasóz máslıhaty barysynda málimdedi, dep habarlaıdy Sanıtarııalyq-epıdemıologııalyq baqylaý komıteti.
Barlyq shekteýler 21 maýsymda alynada dep josparlanǵan bolatyn. Alaıda úkimet Ulybrıtanııada koronavırýstyń úndi shtammynyń taralýyna baılanysty «taǵy birshama ýaqyt kútken durys» dep sanaıdy. Endi shekteýler 19 shildede jeńildetiledi dep kútilýde. Premer-mınıstrdiń málimdeýinshe, 19 shildege deıin eldiń barlyq eresek turǵyndary vaktsınanyń alǵashqy dozasyn alady dep josparlanǵan.
Fılıppındegi Manıla medıtsınalyq joǵary oqý oryndarynyń stýdentteri eldegi koronavırýstyq ınfektsııalardyń kezekti tolqynyna qaramastan kúndizgi oqýǵa oraldy. Oqý ornyna oralmas buryn stýdentterdiń barlyǵy vaktsınatsııadan ótken bolatyn. Alaıda olar úshin aýdıtorııalarda betperdeni kııý talaby alynǵan joq. Sondaı-aq, stýdentterge ýnıversıtet aýmaǵynan ketýge tyıym salynady. Oqytýshylar osylaısha bilim alýshylarǵa tájirıbelik turǵyda daǵdylandyrmaq. Sonymen qatar, koronavırýstyq ınfektsııamen kúresý úshin múmkindiginshe kóp mamany daıyndaǵysy keledi. Aıta keteıik, ótken táýlikte Fılıppınde Sovid-19-dy juqtyrýdyń 6,5 myńǵa jýyq oqıǵasy tirkeldi. Al pandemııa basynan indetke shaldyqqandardyń jalpy sany mıllıonnan asty.
Tallınde bir ret qoldanylatyn maskalardy joıýǵa arnalǵan 100 Mabin konteıneri ornatylady. Qala ákimshiliginde atap ótkendeı, tıisti kelisim Nyperon OU kompanııasymen jasalǵan.
Konteınerler vaktsınatsııa ortalyqtarynyń, medıtsınalyq, sporttyq jáne mádenı mekemelerdiń, mýzeılerdiń, sondaı-aq áleýmettik qamsyzdandyrý mekemeleriniń janyna qoıylmaq. Kúzde konteınerler mektepterdiń janynda paıda bolady dep josparlanýda.
Jınalǵan qorǵanys maskalary qaıta óńdeýge jiberilmek. Olar plastıkalyq ónimderge shıkizat bola alady.
