Ulybrıtanııada áýe reısteriniń keshigýi jalǵasýda
ASTANA. Sáýirdiń 21-i. QazAqparat /Bela Qudaıbergenova/ - Keshe keshte brıtan bıligi Birikken Koroldikteriniń ústinde áýe keńistigi ashylǵandyǵyn jarııalady.
London áýejaılaryna alǵashqy samoletter kelip qona bastady. Alaıda, kóptegen reıster áli kúnge sheıin belgisiz ýaqyttarǵa keshigýde.
Hıtroý - Eýropadaǵy eń úlken áýejaı. Ol qazir bos tur. Ótken beısenbiden bastap bul jerde barlyq reıster alynyp tastalǵan. Ulybrıtanııa áýe keńistiginiń áıteýir ashylǵandyǵyna qaramastan, kóptegen áýe kompanııalary ózderiniń reısteriniń naqty ushatyn ýaqytyn aıta almaı otyr. Qazir kóptegen áýejaılar ushyp kelý úshin ǵana jumys isteýde.
Hıtroý Martın Krags áýejaıyndaǵy qazaqstandyq áýe kompanııasynyń ókili habarlaǵandaı, «Tek Hıtroýdyń ózinen kún saıyn 15 myńǵa jýyq adam ushyp kete almaı qalady. Úkimettiń sońǵy málemeti boıynsha, myń jarym mıllıonǵa taıaý jolaýshylar Eýropa elderinen Ulybrıtanııaǵa ushyp shyǵa almaı jatyr».
Aǵymdaǵy sátte Londonda qazaqstandyq áýekompanııalarmen usha almaı otyrǵan 300-ge jýyq jolaýshy bar. Búkil Eýropa boıynsha 1200-ge jýyq adam osyndaı jaǵdaıda qalyp otyr. Aqparat ár 6 saǵat saıyn jańaryp otyr. Barlyq aamdar áýekompanııa ókilderimen baılanys ústinde. Olardyń keńseleri habarlaǵandaı, barlyq bıletterdi keshki ýaqytqa aıyrbastaýǵa nemese aqshasyn qaıtaryp alýǵa bolady.
Qazaqstanda qazir Ulybrıtanııa men Eýropanyń basqa da qalalaryna 2000-ǵa taıaý jolaýshy ushýdy kútip otyr. Árıne, eń aldymen adamdardy qaýipsizdik máselesi alańdatady. Qazaqstandyq áýekompanııalar ókilderiniń aıtýy boıynsha, ár ushaqta atmosferadaǵy jaǵdaıdy qadaǵalaý men onyń laınerdegi tehnıkalyq jaǵdaıyna áserin baqylap otyrý maqsatynda bir maman bolady.
Sońǵy derekter boıynsha, Qazaqstannan Londonǵa qaraı birinshi reıs búgin keshke ushady dep josparlanýda. Janarmaı quıyp, ushaqty tehnıkalyq tekserýden ótkizgen soń birden keri ushady.
