Ulybrıtanııada astyrtyn túrde qarý-jaraq jasaıtyn zaýyt tabyldy
ASTANA. QazAqparat - Ulybrıtanııada astyrtyn túrde qarý-jaraq jasap kelgen zaýyt tabyldy. Ony eldiń qylmyspen kúres jónindegi ulttyq agenttiginiń tergeýshileri Heılshem qalasyndaǵy óndiristik aımaqta kezdestirgen, dep habarlaıdy QazAqparat 24.kz silteme jasap.
Tergeýshilerdiń aıtýynsha, nysandy tekserýge onyń ishinde atylǵan oq dybystary sebep bolǵan. Nátıjesinde mamandar kólik bólshekterin daıyndaıtyn óndiris retinde jumys istep jatqan nysannyń ishinen qarý-jaraq daıyndaıtyn stanoktar men basqa da qural-jabdyqtardy kezdestirgen. Oqıǵa kezinde birneshe adam ustalyp, 2 tapansha men oq-dári tárkilendi. Qazir iske qatysty tergeý júrip jatyr.
