Ulybrıtanııada aerotaksıge arnalǵan álemdegi tuńǵysh áýejaı salynady
KOVENTRI. QazAqparat – Ulybrıtanııanyń Koventrı qalasynyń mańynda ushqyshsyz basqarylatyn kólikterge arnalǵan álemdegi tuńǵysh áýejaı salynady, dep habarlaıdy QazAqparat euronews.com agenttigine silteme jasap.
El bıligi júk kólikteri men jolaýshylardy ushqyshsyz basqarylatyn apparattardyń kómegimen tasymaldaý úshin qyzmet etetin ortalyqtyń qurylýyna arnaıy qarjy bóledi.
«Ushaqtar úshin – áýejaılar, poıyzdar úshin – vokzaldar, al avtomobılder úshin joldar bar. Biraq endi óz ınfraqurylymyn qajet etetin áýe tasymalyna arnalǵan jańa forma qalyptasty. Jolaýshylardyń kelip, reıske bron qoıýǵa, jolaýshylarǵa arnalǵan aerotaksı salonyna ótýge múmkindigi bolýy tıis. Sondyqtan qozǵalystyń bul quraly úshin kómekshi ınfraqurylym qajet bolady», - dep málim etti Urban Air Port kompanııasynyń tóraǵasy Sandý.
Jobany qurýshylar ushqyshsyz basqarylatyn kólikterdiń elektr motorlarymen jumys istep, kómirqyshqyl gazyn bóletinin atap ótedi. Aldaǵy bes jylda álemde osyǵan uqsas 200-ge jýyq áýejaı salynady.
