Ulybrıtanııada 4 jasar qyz dınozavr tabanynyń izin taýyp alǵan
BERRI. QazAqparat - Ulybrıtanııanyń Berrı qalasyndaǵy Bendrıks Beı jaǵajaıynda tórt jasar Lılı Vaılder jaqsy saqtalyp qalǵan dınozavr tabanynyń izin taýyp alǵan, dep habarlaıdy QazAqparat VVS-ge silteme jasap.
220 mln jyl bolǵan bul iz batpaqty topyraqqa basylǵandyǵy arqasynda jaqsy qalpynda saqtalǵan eken. Mamandardyń aıtýynsha, jalǵyz izdi zertteý arqyly dınozavrdyń naqty qaı túrge jatqandyǵyn aıtý qıyn. Degenmen, Ýelstiń Ulttyq murajaıynyń paleontologııa kýratory Sındı Haýelldyń aıtýynsha, izdi boıy 75 sm bolǵan, artqy aıaqtarymen júretin, shaǵyn janýarlar men jándiktermen qorektengen dınozavr qaldyrǵan.
Jaǵajaıda serýendep júrgen Lılı jáne onyń ákesi Rıchard Vaılder izdi baıqaǵannan keıin ony sýretke túsirip, jergilikti mamandarmen habarlasqan. Іz basylǵan tas Ýels Ulttyq resýrstary agenttiginiń arnaıy ruqsatymen Kardıff qalasyndaǵy Ulttyq mýzeıge jetkizildi. Ulttyq mýzeıdiń málimdemesine sáıkes, mundaı jaqsy saqtalǵan izderdiń kómegimen ǵalymdar dınozavrlardyń súıek qurylymyn odan ári zertteýge múmkindik alyp otyr.
Ýelstiń Berrı qalasynyń mańynda ornalasqan bul jaǵajaı Ulybrıtanııanyń eń mańyzdy paleontologııalyq aımaqtarynyń biri bolyp sanalady.
